Ako’y sumasamo sa ‘yo’y nagpupuri

Dahil sa kadakilaan ng Iyong pag-ibig

Ako’y aawit ng pasasalamat

Sa ‘yong mga kamangha-manghang gawa

Sa kabila ng mga pag-subok na aking nararanasan
Di man malirip ng aking payak na isipan

Ang mga pangyayaring nagaganap sa aking kapaligiran

Patuloy pa din ang aking pagpupugay
Di kayang isulat ng lapis sa papel

O iguhit man ng pintura sa pinsel

Ang mga kabutihan na iyong pinaranas

Aking isisiwalat ang iyong kapangyarihan
Ako’y aawit at sasamba

Magpupugay sa ‘saliw ng titik at musika

Ako’y sasayaw sa indak ng tunog

Magpupunyagi sa kaibuturan ng aking puso
Ang aking puso ang aking buhay sa iyo lamang iaalay

Mula ngayon at magpakailaman.....