14 October 2017 @19:50

Ako’y nagitla nang aking mabalitaan ang isang karamdaman

Natulala sa isang kawalan

Nagisip ng malalim

Nakaramdam ng takot

Nalungkot

Napighati

Napatigil....

Ito nga ba’y katotohanan o kathang isip lamang

Ito ba’y dapat ipaglaban o ipagwalang bahala na lang

Ito ba’y dapat isipin o hayaan na lamang

Matagal ang paghihintay

Matagal na matagal...

Napapaisip na iwan na lang ang mahal sa buhay

Subalit napapaisip sa kanilang kinabukasan

Tama nga ba na takasan o iwanan

Salamat sa kaibigan na aking karamay

Sa panahon ng unos handa syang dumamay

Palalakasin ka sa oras ng kahinaan

Mananatili sa panahon ng kahirapan

Salamat sa pamilya na nagmamahal

At handang dumamay sa oras ng kagipitan

Salamat sa sakripisyo na kanilang inaalay

Salamat...salamat

Subalit sa kabila ng samu’t saring pagsubok na nararanasan

May isang Diyos na sa atin ay lalaban

Sasamahan sa dagok ng buhay

At magtatagumpay dahil pangako NYA ay katagumpayan.